Hallo liebs Publikum. Bisch du nid ganz 0815 u steisch uf tolli Musig? De isch «Chai Latte» genau s’Richtige für di. Im Härze vo Langethal deheime, probiere mir immer meh Lüt vo üsere Musig chönne z’begeistere... Näbe Covers vo aut- und nöimodische Wäutkünstler:inne hei mir ou scho eigeti Bänger im Repertoire... Üsi funky Band besteit us dr Sarah, wo d Fans mit ihrere Stimm us de Socke hout, ar Selma, wo mit de gschickte Finger d’Saite vom Bass so richtig zum Glühie bringt, am Joel, wo mit sine fette Rhythme vom Schlagzüg üsi Musig ungermalt und üsem Pianist, dr Gian, wo so lieblechi Harmonie spielt, dass me chönnt drvo schmelze. Das si mir! Heimer dis Interesse chli gweckt? De chum as Street Festival und mir freue üs när no zämme mit dir eis z’trinke. Dini Band... «CHAI LATTE»